pred kućun su stale
i kritikale
i Katu, i Pepu, i Jelu
i Toncu debelu
i Toncu debelu
jedna da j takova
druga onakova
jedna bi se rad ženit
druga se zna lenit
treća sve zafraja
četrta da ne vaja
a svet da se j pokvaril
i prvo da j boji bil
tri nonice stare
su kritikale
od osme do polna
a kad je polne zvonilo
a jednoj je doma poć bilo
su dve ustale
i nju kritikale
Drago Gervais, Opatija, Primorje, Hrvatska